Núna: 4
Í dag: 21
Í allt: 107294
|
|
|
|
|
Grenivík
Grenivík er landnámsjörð. Sá er þar nam land hét Þormóður og nam Grenivík og Hvallátur og Strönd alla út til Þorgeirsfjarðar.
Grenivík þótti til forna góð jörð og var meðal hinna stærstu í hreppnum. Á árunum 1727—1747 sat þar sýslumaður Vaðlaþinga, Jón Jónsson, með sérstöku leyfi konungs. Að hann sat öfugu megin við Eyjafjörð helgaðist af því að hann var kvæntur Guðrúnu Þórarinsdóttur sem átti jörðina. Grenivík var þá ein af örfáum sjálfseignarjörðum í Suður-Þingeyjarsýslu, metin til 50 hundraða.
Ekki fer miklum sögum af Grenivík á fyrri öldum. En á 19. öld þegar bændur í Grýtubakkahreppi fóru að eflast í hákarlasókn varð Grenivík verstöð. Þar bjuggu og gerðu út nokkrir frægir hákarlamenn; meðal þeirra Jörundur Jónsson, sem nefndur var Hákarla-Jörundur og Jón Loftsson, sem rak þar sjómannaskóla nokkur ár.
Um aldamótin 1900 var vísir að þorpi tekinn að myndast á Grenivík, þar stóðu þá nokkur íbúðarhús auk verbúða sem bændur á Grýtubakka og Skarði áttu. Íbúarnir voru orðnir 89 árið 1910 og hundraðinu var náð um 1920. Hæg fjölgun varð næstu áratugi og upp úr miðri öldinni voru íbúar Grenivíkur um 150. Enda þótt þorpsbúar lifðu mest af sjósókn höfðu þeir þó flestir meiri eða minni grasnytjar úr löndum jarðanna Svæðis og Grenivíkur. Allt fram undir 1960 var búið með kýr og kindur á flestum heimilum á Grenivík.
Eftir að höfn var gerð og frystihús reist á 7. áratugnum tók fólki að fjölga verulega og íbúar urðu flestir 325 upp úr 1980. Á Grenivík búa nú um 300 manns og er aftur farið að fjölga eftir nokkra lægð undanfarinna ára.
Árið 1886 var reist kirkja á Grenivík og prestsetur var þar 1892–1927.
Læknir sat á Grenivík frá 1898–1908 og síðar samfellt frá 1927–1975. Síðan hefur verið þar heilsugæslustöð sem læknar á Akureyri þjóna.
Skólahús var fyrst byggt 1925 en áður hafði verið farskóli í hreppnum.
KEA rak verslunarútibú á Grenivík frá 1941–1996 og sláturhús 1915–1980.
Landsímastöð kom á Grenivík 1919 og sjálfvirk símstöð var þar 1968-1998. Bréfhirðing hófst þar árið 1900 og var breytt í pósthús 1970.
Prentvæn útgáfa
|
|
|
|
|
 maí 2013  |
| S | M | Þ | M | F | F | L |
| | | 1 |
2 |
3 |
4 |
| 5 |
6 |
7 |
8 |
9 |
10 |
11 |
| 12 |
13 |
14 |
15 |
16 |
17 |
18 |
| 19 |
20 |
21 |
22 |
23 |
24 |
25 |
| 26 |
27 |
28 |
29 |
30 |
31 |
|
|
|
|
