Hvað er að gerast?

26.07.10, 22:03

Kvöldsól á Látrum. Myndasmiðurinn sá ekki sólina fyrir afmælisbarninu.

Lokið er seinni ferð Fjörðunga á þessu sumri. Þátttakendur voru 26, þar á meðal afturganga númer 13.
Veðrið var eins gott og hugsast gat alla dagana og gerði ferðina enn betri en ella. Sundfólk lét mjög til sín taka bæði í Blæjuvatni og í Norður-Íshafinu.
Kvöldverðurinn á Látrum breyttist í þessa líka glimrandi afmælisveislu með söng og ræðuhöldum og þjónarnir brugðu fyrir sig frönsku.
Hér má sjá nokkrar myndir úr ferðinni.

Hvað er að gerast?

21.07.10, 10:17

Skúli Gunnarsson tók þessa mynd af Látrum og margar fleiri í velheppnaðri ferð með Valgarði um slóðir forfeðra sinna.
Hér eru nokkrar þeirra.
Í þessari ferð voru ýmsar útgáfur af veðri, flestar þó góðar.

Hvað er að gerast?

09.07.10, 11:03

Valgarður leggur fólki lífsreglurnar áður en lagt er í hann

Fjörðungar lögðu af stað í morgun með stóran hóp Ferðafélags Íslands og Valgarð Egilsson leiðsögumann í fararbroddi.
Að vanda fer Valgarður öfuga leið við aðra Fjörðunga, heldur á fyrsta degi út Látraströnd og endar á mánudaginn með því að ganga frá Þönglabakka, austur yfir Bjarnarfjallsskriður og lýkur göngu í Vík á Flateyjardal. Þangað verður hópurinn sóttur á bíl.